終於迎來新年第一次團拜
我們去了Lisa位於旺角嘅「皇宮」團拜
由於返晏，放1930，上到去佢地已經開完餐
世伯伯母整左煲好正嘅酸辣湯
酸辣適中，味道啱啱好，我食左兩大碗啊
飲飽食醉後，梗係開始＿＿啦
起初只係玩「21點」，大家姐爸爸個莊好犀利
連贏多舖，阿Sam見佢做得咁開心
就走去做埋一份，呢個莊家雖然無咁叻
但就好好運，每次當佢差D俾清袋時，都會贏少少吊住
唔可以隊爆佢添
之後再玩樣更刺激嘅「射龍門」
因為大家唔係太識玩，都唔敢落咁多
可惜當晚大家運氣實在太差，接二連三地中柱
枱面上愈來愈多籌碼，唯有加大注額
好彩最後都打返個和散場
嘻嘻哈哈到差唔多12點就返屋企Lu
